जेष्ठ १५ काठमाण्डौं ।
सरकारले कृषिबाली धितो राखेर ऋण लिन सक्ने व्यवस्था गरेको छ । बजेटमा मुख्यबालीहरुको मुल्य बाली लगाउनुअघि नै तोकिने उल्लेख गरिएको छ ।
यस्तै विउ तथा बालीको संरक्षण र माटो परीक्षण सेवा दिइने व्यवस्था गरिएको छ । त्यसका लागि कृषकलाई माटो परीक्षण ब्याग उपलब्ध गराउने बजेटमा उल्लेख छ ।
यस्तै कृषिको सुपर जोन प्रत्येक प्रदेशमा स्थापना गरिने पनि बजेटमा उल्लेख छ ।
प्रधानमन्त्री कृषि आधनिककीकरण आयोजना सुरु गर्नका लागी ५ अर्ब बजेट छुट्याइएको छ ।
प्रत्येक प्रदेशमा १ हजार हेक्टरका कृषि जोन स्थापना गरिनेछ । प्रत्येक क्षेत्रमा १०० हेक्टर क्षेत्रका २ ब्लक बनाईने र प्रदेशमा १ हजार हेक्टर क्षेत्रका सुपर जोन बनाउने उल्लेख छ ।
कृषि उद्यमीहरुका लागि प्राविधिक शिक्षालय बनाउनुका साथै उत्पादनमा आधारित कृषि विमा कार्यक्रम सुरु गरिने भएको छ ।
चैतेधान उत्पादन वृद्धिको कार्यक्रम ३५ जिल्लमा विस्तार गर्नुका साथै अन्य कृषि बालीको लागि पनि उत्पादन प्रोत्साहन गरिनेछ । हुलाकी र पुष्पलाल राजमार्ग आसपासका क्षेत्रमा फलफुल जंगल विकास कार्यक्रम सुरु गरिने व्यावस्था छ ।
मलमा अनुदान लगायतका कार्यक्रमका लागि ५ अर्ब ४७ करोड वजेट बिनियोजन गरिएको छ । ७५ हजार जैतुनको बिरुवा वितरण गर्ने उल्लेख छ ।
मिल्क होलिडे समस्या समाधान गर्न बुटबलमा प्रशोधन केन्द्र बनाईने र आगागी एकवर्ष भित्र अण्डा, दुईवर्षमा मासु , तीन वर्षमा दूधमा आत्मनिर्भर बनाउन ८ अर्ब ४६ करोड रुपैयाा बिनियोजन गरिएको छ ।
किसानलाई चार समूहमा किसानलाई बर्गिकरण गरिने र किसान आयोग गठन गरिनेउल्लेख छ । ५ वर्ष्भित्र सम्पूर्ण कृषियोग्य भूमिमा सिंचाइको व्यवस्था हुने गरी काम गरिने र ११ जिल्लामा सम्बृद्ध तराई मधेस संचाइ अभियानका लागी २ अर्ब विनियोजन गरिएको छ ।
