चैत्र ३० काठमाण्डौं । काठमाण्डौ डाइविटिज एण्ड थाइराइड सेन्टर प्रालिले आयोजना गरेको मधुमेह, थाइराइड तथा हर्मोन रोगसम्वन्धी निशुल्क स्वास्थ्य शिबिरमा एक हजार पा“च सय बिरामीले बिशेषज्ञ सेवा प्राप्त गरेका छन् ।
ललितपुरको जावलाखेलस्थित अल्का अस्पताल परिसरमा मंगलवार सम्पन्न ५ दिने स्वास्थ्य शिबिरमा मधुमेह, थाइराइड तथा हर्मोन रोग सम्वन्धी बिरामीको उल्लेख्य उपस्थिति रहेको थियो ।
शिबिरमा सहभागीहरुको स्वास्थ्य परीक्षण गर्दा कतिपय कम उमेर समुहका बिरामीलाई समेत मधुमेह र थाइराइडको समस्या देखिएको मधुमेह, थाइराइड तथा हर्मोन रोग बिशेषज्ञ डा. अंशुमाली जोशीले बताए ।
डा. जोशीका अनुसार अस्वथकर जीवनशैली, शारिरीक व्यामको कमी लगायत कारण धेरै जसो बिरामी मधुमेहको जोखिममा परेका छन् ।
यस्तै कम उमेर समुहको बिरामीमा थाइराइडका साथै मधुमेहको समेत समस्या देखिएको डा. जोशी बताए । शिबिरमा सहाभागी बिरामीलाई मधुमेह, थाइराइड तथा हर्मोन रोग बिशेषज्ञ डा. जोशी र डा. प्रियादर्शनी योञ्जनले बिशेषज्ञ परामर्श सेवा प्रदान गरेका थिए । शिबिरमा सहभागी बिरामीको निशुल्क ल्याव परिक्षण गरिएको थियो भने एक महिनासम्मका लागी औषधी समेत निशुल्क बितरण गरिएको थियो ।
काठमाण्डौ डाइविटिज एण्ड थाइराइड सेन्टर प्रालिले आफ्नो औपचारिक सेवा शुभारम्भको अवसर पारेर ५ दिने निशुल्क स्वास्थ्य शिबिरको आयोजना गरेको हो ।
