पोखरा, १ बैशाख ।
बहुप्रतिक्षित पोखरा अन्तराष्ट्रिय विमानस्थलको आज शिलान्यास गरिएको छ । नया वर्षको अवसरमा आज आयोजित विशेष समारोहकाबीच प्रधानमन्त्री केपी शर्मा ओलीले विमानस्थलको शिलान्यास गर्नुभएको हो ।
चिनियाा एक्जिम बैंकको ऋण सहयोगमा निर्माण हुन लागेको उक्त विमानस्थलको ठेक्का चिनियाँ कम्पनी सिएएमसीले पाएको छ ।
कार्यक्रममा सिएएमसीका प्रमुख भिउ एनले सन् २०२० को जुलाइसम्ममा विमानस्थलले सेवा सुचारु गर्ने गरी निर्माण कार्यअघि बढाउने बताउनु भयो ।
यस्तै अर्थमन्त्री विष्णु पौडेलले नागरिक उड्डायन प्राधिकरणसँगको केही कागजी प्रक्रिया सकिए लगत्तै निर्माण कार्य सुरु हुने बताउनु भयो ।
कार्यक्रममा सत्तारुढ दल एकिकृत नेकपा माओवादीका अध्यक्ष पुष्पकमल दाहाल, पूर्वप्रधानमन्त्री झलनाथ खनाल तथा सरकारका सबै मन्त्री जसो मन्त्री सहित सरकारी उच्च अधिकारीहरुको सहभागिता रहेको थियो ।
४० वर्ष अघि ३ हजार १ सय ६ रोपनि जग्गा अधिग्रहण गरि निमार्ण गरिने भनिएको विमानस्थलका लागी अपुग जग्गा पुनः अधिग्रहण गरि निर्माणको योजना छ ।
२५ सय मिटर लामो धावन मार्ग रहने विमानस्थल सन् २०१७ को अन्तिम सम्मा निर्माण सम्पन्न गर्ने लक्ष्य रहेको छ । विमानस्थल २२ अर्बको लागतमा निर्माण गरिनेछ ।
