चैत्र २९, सल्यान । सल्यानमा नेपाल टेलिकमले दिने सेवा सुविधामा प्रभावकारीता देखिएको छैन ।
दाङ्गको ववइ खोला नजिकै अप्टिकल फाइबरमा आएको समस्याका कारण सल्यानमा नेपाल टेलिकमले दिएका सेवाहरु स्काई सिडिएमए फोन तथा एडिएसएलमा बढि समस्या आएको छ विहान करिव साढे ७ बजेबाट सल्यानको इन्टरनेटमा खरावि देखिएको छ ।
इन्टरनेटमा समस्या आएकाले सल्यानका सयौ इन्टरनेट प्रयोगकर्ता र संचारकर्मीहरु मारमा परेका छन । जिल्लामा संचालित रेडियोमा समाचार संकलनका लागि अप्ठेरो भएको छ । जिल्लाका संचारकर्मीले आफ्ना संचार माध्याममाबाट समाचार प्रशारण तथा प्रकाशनका लागि एनसिएलको महंगो डाटा खरिद गरि झन्झटिलो तरिकाले समाचार संकलन गरिरहेका छन ।
सल्यानमा अधिकाश समय नेपाल टेलिकमको सेवामा समस्या देखिने गर्दछ । चैत्र महिनामा मात्रै ३ पटक यस्तो समस्या आएको छ । नेपाल टेलिकम सल्यानले जिल्लामा होइन यसको समस्याको समाधान क्षेत्र तथा केन्द्रबाट हुनुपर्ने बताएको छ ।
