काठमाडौं, २२ चैत ।
म्यानपावर व्यवसायीले आफुहरुमाथि प्रहरीले गर्ने गरेको कार्वाहि रोकिदन गृह मन्त्रालयसमक्ष आग्रह गरेका छन् । प्रहरीले म्यानपावर कार्यालयमा छापा मारेर सञ्चालक पक्राउ गरेको भन्दै उनीहरुले नेपाल बैदेशिक रोजगार व्यावसायी संघका प्रतिनिधिले यस्तो कार्य तत्काल बन्द गराईदिन आग्रह गरेका हुन् ।
गृह मन्त्रालयका शान्ती सुरक्षा शाखाका उपसचिव भविश्वर पाण्डेसँग आज भएको छलफलमा ब्यावसायीले प्रहरीले गर्ने कारवाही रोकिदिन व्यावसायीले आग्रह गरेका हुन् ।
प्रहरीले क्षेत्राधिकार नाघेर म्यानपावर व्यावसायीलाई हतोत्साहीत पार्ने गरि कारवाही थालेको भन्दै व्यवसायीले गुनासो गरेका थिए । तर गृहमन्त्रालयका प्रतिनिधी पाण्डेले प्रहरीले क्षेत्राधिकार ननाघेको दावी गर्दै यस विषयमा मन्त्रालयमा छलफल गर्ने जवाफ दिनु भएको छ ।
प्रहरीले आफ्नो अधिकार प्रयोग गरेर कारबाही गरेको भए हस्तक्षप गर्न नसकिने बताएको श्रम तथा रोजगार मन्त्रालयका प्रवक्ता गोविन्दमणि भुर्तेलले जानकारी दिनुभयो ।
प्रहरीले म्यानपावरमा छापा मारेर १८ जना सञ्चालक पक्राउ गरेपछि व्यवसायी काम ठप्प पारेर छलफलमा लागेका छन् । तर व्यवसायीले आफूमाथिको कारबाही रोक्न र फ्रि भिसा फ्रि टिकटको निर्णयबाट पछि हट्न आग्रह गरेपछि छलफल निष्कर्षमा पुग्न सकेको छैन् ।
न्यूनतम लागतको निर्णयबाट पछि नहट्न सरकारलाई विभिन्न क्षेत्रबाट दवाव परेको छ भने, सरकार पनि सर्वसाधारणमाझ यो निर्णय लोकप्रिय भएकाले पछि नहट्ने अडानमा छ । सरकार र म्यानपावर व्यावसायीबिच मंगलबार फेरि छलफल हुँदैछ ।
