ताप्लेजुङ,२ फाल्गुन ।
नेत्रविक्रम चन्द विप्लव नेतृत्वको नेकपा माओवादी, ताप्लेजुङले ताप्लेजुङको हाङ्पाङ गाविसको पञ्चमी डाँडामा २१ ओटा माओवादी पार्टीको झण्डा गाढेर २१ औँ जनयुद्ध दिवश मनाएको छ ।
जनयुद्धताका पनि ताप्लेजुङको हाङ्पाङ गाविसलाई ऐतिहासिक स्थल अर्थात सबैभन्दा पहिला जनसरको कार्बाही आरम्भ गरेको भनेर चिनिन्छ । हिज पनि सोही स्थानमा भण्डा गाढेर आफ्नो आगामी कार्यदिशालाई अगाडि बढाउने संकेत माओवादीले गरेको छ ।
जनयुद्ध दिवशकै अवसरमा नेकपा माओवादीले विजयको नेतृत्वमा २५ सदस्यीय जिल्ला जनपरिषदको घोषणा पनि गरेको छ । जिल्ला स्तरीय जन परिषद विगतको जनयुद्धताका जनसरकारको मोडेलमा गठन गरिएको छ ।
श्रोतका अनुसार जन परिषदले नियमित काम कार्बाहीहरु अगाडि बढाउनेछ । जनअदालत सहितको जनकार्बाही नेपालको संविधान २०७२ जारी हुनुभन्दा २ दिन अगाबै नेकपा माओवादीद्धारा जारी गरिएको जनसंविधान अनुसार अगाडि बढाउने बताईएको छ ।
यसरी माओवादीले राजधानी काठमाण्डौमा हजारौँ राता मान्छेद्धारा मार्चपास सहित विशाल जनप्रर्दशन गरेको थियो भने विभिन्न जिल्लामा विविध कार्यक्रमका साथ २१ औँ जनयुद्ध दिवश मनाएको छ ।
विभिन्न स्थानमा जनयुद्ध दिवश माओवादी पार्टीहरुले मनाईरहेको समयमा अलिकति फरक ढंगले सदरमुकामभन्दा बाहिर गोप्य रुपमा विप्लव नेतृत्वको माओवादीले जनयुद्ध दिवश मनाएको हो ।
प्रशासन र सुरक्षा निकायले यस वर्षको विप्लव माओवादीको जनयुद्ध दिवशमा चासो लिएको देखिन्छ ।
