काठमाडौं,७ माघ ।
प्रमुख दल र आन्दोलनरत मधेसी मार्चाबीच आज उच्चस्थरमा छलफल हुदै छ । ।
प्रधानमन्त्रीको सरकारी निवास बालुवाटारमा ९ बजे बस्ने बैठकमा मधेसी मोर्चाले उठाएका माग सम्बोधन गर्ने विषयमा छलफल हुने कांग्रेस उपसभाति रामचन्द्र पौडेलले जानकारी दिनुभयो ।
मोर्चाले कार्यदलस्तरमा नभई अध्यक्षस्तरमा मात्रै वार्ता हुने बताएपछि प्रमुख तीन दल र मधेसी मोर्चाका शीर्ष नेताहरुवीच ११ बुँदे मागबारे छलफल हुन लागेको हो।
संसद बैठकमा संविधान संशोधनका लागि सांसदहरुले दर्ता गराएका संशोधन प्रस्तावमाथिको छलफल बिहीवारबाटै सुरु हुने भएकाले प्रधानमन्त्री केपी शर्मा ओलीले शीर्षस्तरको बैठक बोलाएका हुन्।
वैठकमा प्रमुख तीन दल र मधेसी मोर्चाका शीर्ष नेताहरु सहभागी हुन भएका छन । यसअघि मोर्चाले आफूहरुका माग सम्बोधन गर्ने विषयउमा सरकार र प्रमुख तीन दल गम्भीर नभएको भन्दै मधेसी मोर्चाले सरकारसँग वार्ता गर्न गठन गरेको कार्यदलको औचित्य समाप्त भएको घोषणा गरेको थियो ।
