काठमाडौ ४ माघ ।
मुख्य दल र आन्दोलनरत मधेशी मोर्चाबीच आजपनि कार्यदल स्तरमा छलफल हुदैछ ।
सहमतिको प्रयास स्वरुप कार्यदल स्तरमा विवाद मिलाएर बेलुकासम्ममा सहमतिको खाका बनाउन प्रयास हुने नेताहरुले बताएका छन् ।
कार्यदलको बैठक अपरान्न ४ बजेपछि बस्नेछ । त्यसअघि तीन दलीय कार्यदलका सदस्यले शिर्षस्त नेताहरुसाग छलफल गर्ने कार्यदल सदस्य एवम् कांग्रेस नेता महेश आचार्यले जानकारी दिनुभयो ।
मधेशी मोर्चाले राखेका कतिपय विषयमा कार्यदल स्तरमा टुङ्गो नलागेपछि आज शिर्षस्थ नेतासँग छलफल गर्न लागिएको हो ।
प्रदेश सिमांकन हेरफेरका लागि बनाइने राजनितिक संयन्त्रको कार्यविधिका विषयमा दलहरुबीच अझै सहमति जुट्न सकेको छैन ।
मधेशी मोर्चाले तराई मधेशमा दुई प्रदेश बन्ने आधार कार्यविधिमा उल्लेख गर्नुपर्नेमा जोड दिइरहेको छ । त्यस बाहेकका विषयमा भने लगभग सहमति जुटेको नेताहरुले बताएका छन् ।
मुखय दलहरुले भोलीसम्ममा मधेशी मोर्चासाग सहमति जुट्ने दावी गर्दै आएका छन् ।
