काठमाण्डौ ,३ माघ ।
भारतमा उपाचार गरेर स्वदेश फर्किएका सद्भावना पार्टीका अध्यक्ष राजेन्द्र महतोलाई युवा संघले विमानस्थलमै कालो झण्डा देखाएको छ ।
संघका महासचिव किरण पौडेलको नेतृत्वमा गएका नेता तथा कार्यकर्ताहरूले महतोलाई कालो झण्डा देखाएको युवा संघका कार्यालय विभागका सदस्य समुद्र तिमल्सिनाले बताउनु भयो ।
कालो झण्डा प्रदर्शनपछि आयोजित कोणसभालाई सम्बोधन गर्दै महासचिव पौडेलले ‘तराई मधेसमा आफ्ना नेता कार्यकर्ता माथि हमला भएमा हुन्छ तराईमा नै गएर पनि बदला लिन तयार रहेको चेतावनी दिनुभयो ।
उहाले शान्तिपूर्ण राजनीतिक गतिबिधि जसले पनि गर्न पाउने भन्दै हिंसात्मक गतिविधिलाई छुट दिन नहुनमा जोड दिनुभयो ।
पौडेलले भन्नुभयो ‘सचेत युवाको भूमिका निर्वाह गर्दै विना बर्दीको प्रहरी बनेर खटिन तयार छौं, ‘सार्वभौमिकता, राष्ट्रिय एकता र भौगोलिक अखण्डताको पक्षमा युवा संघ जस्तोसुकै मूल्य चुकाउन तयार छ ।’
त्यस्तै उहाले सामाजिक सद्भावका लागि युवा संघले खबरदारी गरिरहेको पनि बताउनु भयो ।
