काठमाडौ ३ माघ ।
भारतको दिल्लीमा दुई सात उपचार गराउनु भएका सद्भावना पार्टीका अध्यक्ष राजेन्द्र महत्तो आज स्वदेश फर्किनु हुने भएको छ ।
आन्दोलनको क्रममा घाइते हुनु भएका महत्तो थप उपचारका लागि गत पौष १७ गते दिल्ली जानु भएको थियो । स्वदेश फर्किए लगत्तै आजै साँझ उहाँले प्रधानमन्त्री केपी शर्मा ओलीसँग भेट गर्ने कार्यक्रम छ ।
भेटका क्रममा उहाँले भारतमा रहँदा भएका राजनितिक भेटघाट र आफ्नो स्वास्थ्य अवस्थाका बारेमा प्रधानमन्त्री ओलीलाई जानकारी गराउनु हुने सद्भावनाका महासचिव मनिषकुमार सुमनले जानकारी दिनुभयो ।
दिल्लीमा रहनुहुँदा महत्ताले भारतीय राष्ट्रपति प्रणव मुखर्जी, कंग्रेस आइका नेता राहुल गान्धी, गृहमन्त्री राजनाथ सिंह, विदेशमन्त्री सष्मा स्वराज लगायतका उच्चअधिकारीसँग भेट गर्नुभएको थियो ।
उहाँ मध्यान्न सााढे १२ बजे त्रिभूवन अन्तर्राष्ट्रिय विमानस्थल आइपुग्नु हुने सो पार्टीले जनाएको छ ।
