काठमाडौँ, २० पुस ।
उपप्रधान एवम बालबालिका तथा समाज कल्याणमन्त्री सिपी मैनालीले महिलामाथि हुने सबै प्रकारका विभेद अन्त्य गर्न सरकार प्रतिबद्ध रहेको बताउनु भएको छ ।
महिला, बालबालिका तथा समाजकल्याण मन्त्रालयले राजधानीमा आयोजना गरेको अन्तरक्रिया कार्यक्रममा उहाँले महिलामाथि हुने हत्या, हिंसा अन्त्य गर्न सरकारले योजना बनाइरहेको जानकारी दिनुभयो ।
उपप्रधानमन्त्री मैनालीले बालविवाह न्यूनीकरकणका लागि सरकारले बालविवाहसम्बन्धी राष्ट्रिय रणनीतिसमेत ल्याउने तयारी गरेको बताउनु भयो । बालविवाह अन्त्य गर्ने सवालमा ऐन÷कानुनको प्रभावकारी कार्यान्वयन र जनचेतनासँगै बालिका शिक्षा अत्यन्त महत्वपूर्ण हुने उहाँको भनाइ छ ।
कार्यक्रममा उप्रधानमन्त्री मैनालीले लैङ्गिक हिंसाविरुद्धको सरकारको सद्भावना दूतमा चुनिनुभएका अभिनेता राजेश हमाल, कप्तान पारस खड्का र गैरआवासीय नेपाली सङ्घका अध्यक्ष शेष घलेलाई सद्भावना दूतको आधिकारिकपत्र प्रदान गर्नुभएको थियो ।
