काठमाडौ २० पौष ।
नेपाली कांग्रसका उपसभापति रामचन्द्र पौडेल आज भारत जानु भएको छ ।
पतन्जली योगपिठको कार्यक्रममा सहभागी हुन उहाँ आज बिहान पौने ९ बजे जेट एयरबाट दिल्ली प्रस्थान गर्नुभएको हो । पाँच दिनका लागि भारत जानु भएका पौडेल आजै हरिद्धार जानु हुने कार्यक्रम रहेको छ ।
यद्यपी धार्मिक कार्यक्रमका शिलशिलामा भारत जान लाग्नु भएको भएपनि उहाँले दिल्लीमा रहँदा राजनितिक भेटघाट गर्ने कार्यक्रम पनि रहेको उहाँसँगै भारत जान लाग्नु भएका योगपिठका नेपाल ट्रष्टी सालिकराम सिंहले बताउनु भयो । पौडेलको भ्रमण धार्मिक सँगै राजनितिक हुने सिंहको भनाई ।
हरिद्धारबाट दिल्ली फर्किनु भएपछि पौडेलले विदेशमन्त्री शुष्मा स्वराज, गृहमन्त्री राजनाथ सिंह, प्रधानमन्त्री नरेन्द्र मोदीका सुरक्षा सल्लाहकार अजित डोबल लगायतका नेता तथा उच्चपदाधिकारीहरुसँग भेट गर्ने कार्यतालिका रहेको छ । उहाँ आगामी शुक्रबार स्वदेश फर्किने कार्यक्रम रहेको छ ।
