पुष १९ काठमाण्डौं । प्रमुख ३ दल र मधेसी मोर्चाविचको आजको बार्ता सकारात्क भएको नेताहरुले बताएका छन् । मधेसी मोर्चाले राखेका मागका बारेमा विस्तृतमा छलफल भएको थियो ।
बालुवाटार वार्ताबाट बाहिरिदै कंग्रेस बरिष्ठ नेता देउवाले भित्र वार्ता सकारात्मक रुपमा अघि बढेको जानकारी दिदैं, सबै विषयमा राम्रोसँग छलफल भएको छ । मंगलबार सम्म सहमति होला । प्रमुख तीन दलका नेताहरुबीच एक चरण छलफल भएपछि सबा छ बजेदेखि मधेसी मोर्चासँग वार्ता सुरु भएको थियो ।
वार्तामा प्रधानमन्त्रीसहित प्रमुख तीन दलका शीर्ष नेताहरु उपस्थित रहे पनि मोर्चाका तर्फबाट महन्थ ठाकूर, हृदयेश त्रिपाठी, रामनरेश राय र राजेन्द्र श्रेष्ठ मात्रै सहभागी छन । मोर्चाका नेताहरु उपेन्द्र यादव र महेन्द्र राय यादव वार्तामा सहभागी भएनन् भने सद्भावनाका अध्यक्ष राजेन्द्र महतो दिल्लीमा छन्। महतो पक्षले वार्तालाई बहिष्कार गरेको छ ।
