हुलाक सेवा विभागले प्रकाशनमा ल्याएको विभिन्न व्यक्तिको तस्बिरअङ्कित हुलाक टिकटमा आज प्रथम टाँचा लगाउँदै उहाँले सरकारको अबको कार्यसूची भनेको संविधान कार्यान्वयन तथा पुनःनिर्माणसँगै राष्ट्रनिर्माण हो भन्नुभयो ।

विभागले राजनीतिज्ञ गणेशमान सिंह र नगेन्द्रप्रसाद रिजाल, युगकवि सिद्धिचरण श्रेष्ठ, समाजसेवी देवीप्रसाद उप्रेती, अर्थशास्त्री यादवप्रसाद पन्त र सहिद श्रीप्रसाद पराजुलीको तस्बिर अङ्कित टिकट प्रकाशन गरेको हो ।

विभागले पछिल्लो पटक प्रकाशन गरेको छ टिकटसहित सन् २०१५ मा नेपालको धार्मिक, सांस्कृतिक, ऐतिहासिक एवम् पुरातात्विक महत्वका सम्पदालगायत संस्मरणात्मक ५३ टिकट प्रकाशन गरेको छ ।

सो अवसरमा सूचना तथा सञ्चार मन्त्रालयका निमित्त सचिव कविराज खनालले विभिन्न व्यक्तित्वको सम्मानस्वरूप प्रकाशन गरिँदै आएको टिकटलाई आगामी दिनमा निरन्तरता दिइने बताउनुभयो । विभागका महानिर्देशक द्रोण पोखरेलले आगामी वर्ष अर्थात् २०१६ मा पनि विविधता एवम् गुणस्तरयुक्त हुलाक टिकट समयमा प्रकाशन गर्नका लागि तत्परताका साथ लागिपर्ने विश्वास दिलाउनुभयो ।