काठमाण्डौ,१६ पौष ।
नेकपा माओबादीका प्रबक्ता खड्कबहादुर बिश्वकर्मा प्रकाण्डले केपी ओली नेतृत्वको सरकार कुम्भकर्ण भएको आरोप लगाउनु भएको छ ।
दलित मुक्ति मोर्चा नेपालले आज राजधानीमा आयोजना गरेको एकिकृत जनक्रान्ति र दलित मुक्तिको प्रश्न बिषयक अन्तरक्रिया कार्यक्रममा बोल्दै प्रबक्ता प्रकाण्डले ओली नेतृत्वको सरकारसंग मानविय संबेदना नभएका कारण कुम्भकर्ण भएको आरोप लगाउनु भयो ।
उहाले भुकम्प पिडितहरु चिसोले कठ्याङगिएर मरीरहेका बेला ,३ महिनादेखी जारी आन्दोलन र नाकाबन्दीले जनताले चरम अभाब खेपिरहेका बेला सरकार मुखदर्शक बनीरहेको बताउनु भयो । प्रकाण्डले नाकाबन्दीका कारण देशमा राष्ट्रिय उद्योगि ब्यबसायी धरासायी भइरहेका बेला राज्यको पुजिलाई प्रयोग गरी दलालहरु रातरात करोडपति भएको बताउनु भयो ।
राजनितीकका नाममा दलाल गरीरहेकाहरुले देशमा भएका उद्योगहरुलाई बेचेर नै नेपाली युबाहरुलाई बिदेश जान बाध्य पारेको बताउनु भयो । उहाले अहिले सत्तामा रहेका दलहरु नेपाली जनता र राष्ट्रको बिकाशका लागि भन्दा पनि आफनो पुजि बढाउनका लागि अग्रसर रहेको दाबी गर्नुभएको छ ।
असोज ३ गते जारी भएको संबिधान भन्दा पनि २०६३ सालमा जारी गरीएको अन्तरीम संबिधानले नै गरीब,उत्पीडित र उत्पीडनमा परेका बर्गहरुको अधिकार सुरक्षीत गरेको प्रबक्ता प्रकाण्डको भनाई छ ।
नेपालका हरेक क्षेत्रमा हाबी रहेको दलादप्रबृतिलाई हटाउन एकिकृत क्रान्ति आबश्यक रहेकोमा जोड दिदै उहाले जनबादी क्रान्ति अघि सार्नु नै बिगतको क्रान्तिको रक्षा गर्नु रहेको बताउनु भयो ।
दलितका अधिकार स्थापित गर्न दलित आन्दोलनलाई राजनितिक आन्दोलन बनाउन आवश्यक रहेकोमा उहाले जोड दिनुभएको छ ।
