काठमाडौ १४ पौष ।
नेपाली कांग्रेसका उपसभापति रामचन्द्र पौडेलले १३ औं महाधिवेशनबाट आफू पार्टी सभापति बन्ने वातावरण सिर्जना भएको दाबी गर्नुभएको छ ।
प्रेस युनियन गुल्मीले आज सदरमुकाम तम्घासमा आयोजना पत्रकार भेटघाटमा पौडेलले नेपाली कांग्रेस अब पुरानो ढर्राबाट चल्न नसक्ने भएकाले हालका सभापति सुशील कोइराला र बरिष्ठ नेता शेरबहादुर देउवालाई कार्यकर्ताले आराम दिने पौडेलले बताउनु भयो ।
आगामी महाधिवेशनमा आफूले कुनैपनि हालतमा सभापतिमा उम्मेदवारी दिने पौडेलको भनाई छ । अहिलेको परिस्थितिमा राजनितिक पार्टीहरुबीच प्रतिस्पर्धा भइरहेकाले अब कोइराला र देउवाले चलाउन नसकिने पौडेलले बताउनु भयो ।
एक फरक प्रसंगमा उनले अब मधेस आन्दोलन रोकिने धारणा राख्नुभयो । मधेसी दलहरुले पहिला ठूला ठूला मागहरु राखेको तर ति पूरा हुन नसक्ने भएपछि अहिले सहमति गर्न डराएको समेत उहाको आरोप छ ।
