काठमाडौ १४ पौष । व्यवस्थापिका संसदको बैठक आजपनि बस्दैछ ।
नयाँ बानेश्वर स्थित संसद भवनमा बस्ने बैठकमा आजपनि संविधान संशोधन विधेयकमाथि सैद्धान्तिक छलफल गर्ने कार्यसुची रहेको संसद सचिवालयले जनाएको छ ।
यसअघि आइतबार बाटै विधेयमाथि छलफल गर्ने भनिएपनि आवश्यक गणपुरक नपुगेपछि हिजोबाट मात्र छलफल सुरु भएको हो । मधेश केन्द्रित दलका सांसदको अवरोधका बाबजुद संसदमा पेश भएको विधेयकमाथि आजपनि धारणा राख्नेक्रम जारी रहने सचवालयले जनाएको छ ।
सैद्धान्तिक छलफल सकिएपछि विधेयकमाथि संशोधन प्रस्ताव दर्ता गर्न सांसदहरुलाई ७२ घण्टाको समय उपलब्ध गराइनेछ । यसअवाधिमा मोर्चाको माग सम्बोधनका सम्बन्धमा दलहरुले सहमति जुटाएमा जारी राजनितिक गतिरोध हल हुने सम्भावना छ ।
उता संविधान संशोधनको माध्यमबाट आन्दोलनरत मधेशी मोर्चाको माग सम्बोधन गर्न संशोधन विधेयक अघि बढाएको भएपनि विधेयकले आफूहरुको माग सम्बोधन गर्न नसकिने भन्दै मोर्चा आवद्ध दलहरुले विरोध जनाउदै आएका छन् ।
