काठमाण्डौ, ३ पुस ।
मन्त्रीपरिषद बैठक आजलाई स्थगित भएको छ । बिहान साढे ७ बजेका लागि बोलाइएको बैठक स्थगित भएको प्रधानमन्त्रीका प्रेस संयोजक चेतन अधिकारीले जानकारी दिनुभयो ।
यसअघि हिजो अपरान्ह बस्ने भनिएको बैठक आज बिहानका लागि सारिएको थियो । अख्तियार दुरुपयोग अनुसन्धान आयोगले शसस्त्र प्रहरी महानिरिक्षक कोषराज वन्तलाइ निलम्बन गर्न निर्देशन दिएकाले अब बस्ने मन्त्रीपरिषद बैठकले त्यसको कार्यान्वयन गर्नुपर्नेछ ।
वन्तलाइ निलम्बन गरेपछि कसलाइ कार्यवाहक बनाउने भन्नेमा मतभेद भएकाले मन्त्रीपरिषद बैठक बस्न नसकेको स्रोतको भनाइ छ । वरिष्ठताका अधारमा एआइजी दुर्जकुमार राइ, जिवन थापा र कृष्ण कुमार तामाङ भावि महानिरिक्षक लागि अघि सर्नुभएको छ ।
एआइजीमा बढुवा हुदा राइ एक नम्बरमा हुनुहुन्थ्यो । वरिष्ठताका आधारमा राइले स्वत कार्यवाहक पाउनुपर्ने एक पक्षको तर्क छ । छानविनका क्रममा अनियमितता गरेको देखिएपछि अख्तियार दुरुपयोग अनुसन्धान आयोगले महानिरिक्षक वन्त सहित दुइ डिएसपी र एक इन्स्पेक्टरलाइ निलम्बन गर्न सरकारलाइ हिजो निर्देशन दिएको थियो ।
