काठमाण्डौ ,३ पुस ।
काग्रेस केन्द्रीय कार्यसमितिको बैठक आज तेस्रो दिन पनि जारी रहनेछ ।
पार्टीको केन्द्रीय कार्यालयमा अपराह्न २ बजे देखि सुरु हुने बैठकमा क्रियाशील सदस्यता वितरण सम्बन्धमा नै छलफल हुने बताईएको छ ।
पार्टीको आशन्न १३ औँ महाधिवेशनको तयारी सम्बन्धमा छलफल गर्न बसेकोे बैठकमा क्रियाशील सदस्यता वितरण सम्बन्धमा सभापति शुसिल कोईराला र सेरबहादुर देउवापक्षीय नेताहरु बिभाजित भएका छन् ।
यसअघि बोल्ने नेताले केन्द्रीय सदस्य नरहरि आचार्यको संयोजकत्वमा गठित क्रियाशील सदस्यता वितरण छानबिन समितिको प्रतिवेदनमाथि भएको छलफलमा सदस्यता वितरण पारदर्शी नभएको धारणा राखेका छन् ।
अधिकांश केन्द्रीय सदस्यले उक्त प्रतिवेदनअनुरुप क्रियाशील सदस्यता वितरण मापदण्डाविपरीत रहेको भन्दै पुनरावलोकन गर्न माग गरेका छन् भने केही सदस्यले प्रतिवेदनलाई जस्ताको जस्तै पारित गरिनुपर्नेमा जोड दिएका छन् ।
प्रतिवेदनअनुसार पुराना तीन लाख १६ हजार ८६६ र नयाँ दुई लाख १४ हजार क्रियाशील सदस्यता थपिएका छन् । त्यस्तै पुराना क्रियाशील सदस्यमध्ये ६० हजार नवीकरण हुन बाँकी छन् । जम्मा चार लाख ७० हजार पुगेका छन् ।
पार्टीको विधानअनुसार क्रियाशील सदस्यता वितरण सम्बन्धमा गाउँ र नगरले प्रस्ताव गरी क्षेत्रमा पठाउने र क्षेत्रीय समितिले जिल्लालाई सिफारिस गर्ने र जिल्लाले अनुमोदन गरी केन्द्रमा पठाउने प्रावधान छ ।
