चौतारा, २ पुस ।
चौताराबाट बाह्रबिसेतर्फ जाँदै गरेको बा२ख ४८१५ नंको यात्रु बस दुर्घटना हुँदा ३४ जना घाइते भएका छन् ।
घाइतेमध्ये बाह्र जनाको अवस्था चिन्ताजनक छ । घाइते सबैलाई चौतारा अस्पताल तथा काभ्रेको धुलिखेल अस्पताल लगिएको जिल्ला प्रहरी कार्यालयका प्रमुख प्रहरी नायब उपरीक्षक विश्व अधिकारीले बताउनुभयो ।
सिन्धुपाल्चोकको सदरमुकाम चौताराबाट आज अपराह्न ४ बजे छुटेको उक्त बस साँगाचोक गाविसको जनजागृति उमावि नजिकको घुम्तीमा ४।४५ बजे दुर्घटना भएको थियो । घटनास्थलमा उद्धार सकिएको र अन्य यात्रुलाई अर्को बसमार्फत बाह्रबिसे पठाउन पहल भइरहेको प्रहरी नायब उपरीक्षक अधिकारीले बताउनुभयो ।
बसमा भित्र र छतमा समेत करिब ७० जना यात्रु थिए । ओरालोतर्फ जाँदै गरेको सो बस तीव्र गति र क्षमताभन्दा बढी यात्रु भएकाले सडकमै पल्टिएको प्रहरीले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
