काठमाडौँ, १ पुस ।
केन्द्रीय पञ्जीकरण विभागले व्यक्तिको कानुनी पहिचान सुरु हुने आधार भएकाले प्रत्येक व्यक्तिले जन्म, मृत्यु, विवाहजस्ता हरेक घटनाको विवरण दर्ता गर्न आग्रह गरेको छ ।
सर्वसाधारणमा यसबारे जानकारी दिई जन्म, मृत्यु, विवाहजस्ता घटना घटेलगत्तै दर्ता गर्नुपर्छ भन्ने जनचेतना अभिविृद्ध गर्न विभागले देशका ७५ जिल्लामा चार हजारभन्दा बढी स्थानीय पञ्जिकाधिकारीलाई परिचालन गर्दै आएको छ ।
हाल पञ्जिकाधिकारीको काम गाउँमा गाविस सचिव र सहरमा सम्बन्धित वडाका सचिवलाई जिम्मेवारी दिएको छ ।विभागका निर्देशक शङ्कर नेपालले नेपालमा २०३४ सालमा व्यक्तिगत घटना दर्ता गर्ने कार्यको थालनी भएको जानकारी दिँदै यसले व्यक्तिको कानुनी पहिचान सुरु हुने बताउनु भयो ।
विभागले हाल परम्परागत विधि र म्यानुयल विधि प्रयोग गरी आफै सम्बन्धित गाविस वा शहरी क्षेत्रमा भए नगरपालिकाको वडा कार्यालयमा गएर लिखितरुपमा घटनाको दर्ता गर्न सक्ने अथवा अनलाइनमार्फत पनि घटनाको दर्ता गर्ने सुुविधा प्रदान गरेको छ ।
