काठमाडौँ, २८ मंसिर ।
नेपाली काँग्रेस केन्द्रीय कार्यसमितिको बैठक आगामी पुस १ गते बस्ने भएको छ ।मुलुकको समसामयिक राजनीतिक र आसन्न १३औँ महाधिवेशनको तयारीका बारेमा छलफल गर्न बैठक बस्न लागेको कार्यालयका मुख्यसचिव ऋषिकेश तिवारीले जानकारी दिनुभयो ।
पार्टी केन्द्रीय कार्यालय सानेपामा बस्ने बैठकमा आन्दोलनरत संयुक्त लोकतान्त्रिक मधेसी मोर्चाको माग सम्बोधन गर्न संविधान संशोधन र भूकम्पपछिको पुनःनिर्माणसम्बन्धी विधेयक अघि बढाउन काँग्रेसले खेल्ने भूमिकाका बारेमा छलफल हुने उहाले बताउनु भयो ।
व्यवस्थापिका–संसद्को सबैभन्दा ठूलो दल काँग्रेसको आसन्न १३औँ महाधिवेशन आगामी फागुन २० देखि २३ गतेसम्म राजधानीमा हुदैछ । महाधिवेशनको तयारीका लागि गठित समितिले गरेका कामका बारेमा बैठकमा समीक्षा हुने पार्टी कार्यालयले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
