काठमाडौं, २६ मंसिर ।
नेकपा माओवादीका प्रवक्ता खड्क बहादुर विश्वकर्मा प्रकाण्डले नेपालको राज्यसत्ता माओवादीको हातमा आए मात्रै देश सम्बृद्ध बन्ने बताउनु भएको छ ।
राष्ट्रिय युवा जनस्वयमसेवक भक्तपुरद्धारा आयोजित जिल्लाभेला कार्यक्रममा बोल्दै उहाले यस्तो बताउनु भएको हो ।
अहिलेका राजनीतिक दलहरु देश निर्माण तथा राज्यमा शान्ती सुरक्षा कायम गर्न असफल भइसकेको भन्दै प्रकाण्डले अब दलहरुले नेकपा माओवादीलाई राज्यसत्ता सुम्पीय देश १० दिनमा सम्बृद्ध हुनेमा दाबी गर्नुभयो ।
कार्यक्रममा बोल्दै राष्ट्रिय युवा जनस्वयमसेवकका केन्द्रिय अध्यक्ष झक बहादुर मल्लले राष्ट्र निर्माणको जिम्मा क्रान्तीकारी युवाहरुको काधँमा आएकाले त्यसका लागि सबै युवा एकताबद्ध भएर तमतयारी अवस्थामा रहनु पर्नेमा जोड दिनुभयो ।
आज सम्पन्न युवा जनस्वयमसेवकको जिल्ला भेलाले सुवास अधिकारीको अध्यक्षतामा २५ सदस्यीय कार्यसमिति गठन गरेको छ । जसको सचिवमा प्रमोद गिरी र उपाध्यक्षमा सविन लामा चयन हुनु भएको छ ।
