काठमडौ २६ मंसिर ।
एकीकृत नेकपा माओवादीको केन्द्रीय कार्यसमितिको बैठक आज पनि बस्दैछ । बिहान ११ बजेपछि पार्टी केन्द्रिय कार्यलय पेरिसडाँडामा बस्ने बैठकमा आजपनि अध्यक्ष पुष्पकमल दाहालको राजनीतिक तथा साङ्गठिन प्रतिवेदनमा छलफल हुनेछ ।
प्रतिवेदनमा बोल्नका लागि नाम टिपाएका सदस्यहरुले धारणा राख्ने क्रम लगभग अन्तिमतिर पुगेकाले अब दुई दिन जतिमा सकिने एमाओवादीले जनाएको छ ।
आजपनि अध्यक्ष दाहालको प्रतिवेदनमाथि बोल्न बाँकी रहेका सदस्यहरुले धारणा राख्ने क्रम जारी रहने प्रवक्त दिननाथ शर्माले जानकारी दिनुभयो । यसअघि हिजो १२ जना केन्द्रीय सदस्यले प्रतिवेदनमाथि धारणा राखका थिए ।
गत १५ गते देखि जारी बैठकमा बोल्ने अधिकांश सदस्यहरुले पार्टी रुपान्तरण गरेर अघि बढ्नु पर्ने, नेतृत्वले पद र सत्ताको मोह त्याग्नु पर्ने, संगठन निर्माणमा ध्यान दिनुपर्ने लगायतका सुझाव दिएका छन् ।
