काठमाण्डौ,२३ मंसिर ।
असल शासन फाउन्डेसनले यस वर्षको असल शासन पुरस्कार मुटुरोग विशेषज्ञ तथा त्रिभुवन विश्वविद्यालय शिक्षण अस्पतालका पूर्व कार्यकारी निर्देशक डा भगवान कोइरालालाई प्रदान गरेको छ ।
पुरस्कार संयुक्त राष्ट्रसंघले भ्रष्टाचारविरुद्ध महासन्धि पारित गरेको दिन अर्थात् ९ डिसेम्बरका दिन पारेर आज प्रदान गरिएको फाउन्डेसनका अध्यक्ष केदार खड्काले जानकारी दिनुभयो । पुरस्कारको राशि सम्मानपत्र तथा रनिङ शिल्डसहित रु ११ हजार १११ रहेको छ ।
मुलुकमा असल शासन अभिवृद्धिका लागि योगदान गर्ने सार्वजनिक प्रशासक, पत्रकार र नागरिक अभियन्ता मध्येबाट छनोट गरेर पुरस्कार प्रदान गरिएको उहाले बताउनु भयो ।
कोइरालाले सहिद गङ्गालाल राष्ट्रिय हृदयरोग केन्द्र र त्रिवि शिक्षण अस्पतालमा कार्यकारी प्रमुखका रुपमा काम गर्दा आन्तरिक सुशासनका लागि योगदान गरेकाले पुरस्कार दिने निर्णय गरिएको उहाले जानकारी दिनुभयो ।
