म्याग्दी, १९ मङ्सिर ।
म्याग्दीको बेनी नगरपालिका–१३ बास्कुनाका किसानले उत्पादन गरेको सुन्तला काठमाडाँै निर्यात गर्न थालिएको छ । काठमाडाँैको कालीमाटीस्थित मण्डीमा गाउँभरी उत्पादन भएको सुन्तला निर्यात गर्न सुरु गरिएको हो ।
अन्नबालीको विकल्पमा व्यावसायिक सुन्तलाखेती विस्तार गरेका बास्कुनाका कृषकले उत्पादन गरेको सुन्तलाको स्थानीयस्तरमा बजारको अभाब भएपछि ट्रकमार्फत ढुवानी गरी निर्यात गरिएको स्थानीय कृषक भिमबहादुर गुरुङले जानकारी दिनुभयो ।
बास्कुनाका तिलक गुरुङ, भिम गुरुङ, मनबहादुर केसी, नरबहादुर हुमेन, लालबहादुर केसी, भिमबहादुर केसीलगायतका १७ जना कृषकले व्यावसायिकरुपमा सुन्तला खेती गर्दै आएका छन् । उनीहरुले उत्पादन गरेको सुन्तलामध्ये अहिलेसम्म तीन ट्रक निर्यात भइसकेको र अझै चार ट्रक सुन्तला काठमाडाँैस्थित मण्डीमै निर्यात गर्ने तयारी भइरहेको कृषक गुरुङले बताउनुभयो ।
कृषकले उत्पादन गरेको सुन्तला चार ग्रेड बनाएर प्रतिकिलो रु ४८ देखि ५९ मा बिक्री भएको छ । गत वर्ष रु १५ लाख बढीको सुन्तला निर्यात भएकोमा यो वर्ष उत्पादन र बजार मुल्य घटेको कारण सुन्तला निर्यातबाट बास्कुनाका कृषकले रु १२ लाख मात्रै आम्दानी हुने अनुमान गरेका छन् ।
बास्कुनामा अहिले सात हजार ५०० वटा सुन्तलाका बोट विस्तार गरिएको छ । सडक सुविधा भएपछि स्थानीयवासीले पछिल्लो सात वर्षयता खेतबारीमा धान खेती छाडेर धमाधम सुन्तलाखेती विस्तार गरेका छन् ।
बास्कुनाका युवा कृषक नरबहादुर हुमेनले आपूmले ब्यावसायिक सुन्तला बिक्रीबाट यो वर्ष रु दुई लाख आम्दानी गरेको बताउनुभयो । जिल्लामा ५५६ हेक्टर क्षेत्रफलमा सुन्तलाखेती विस्तार भएकामा २६५ हेक्टर क्षेत्रफलको सुन्तलाले उत्पादन दिने गरेको जिल्ला कृषि विकास कार्यालयले जनाएको छ ।
