काठमाडौँ, ११ मङ्सिर ।
भारतीय नाकाबन्दीको विरोधमा देश तथा विदेशमा विरोधको चर्को आबाज उठिरहेका वेला हातमा कलम र कापी समाएर हिँड्ने विद्याथीहरू पनि राजधानीमा नै लाखाँैको सङख्यामा जम्मा भई सडकमा उत्रिए ।
शुक्रबार भारतीय नाकाबन्दीले मुलुक अस्तव्यस्त भएपछि त्यसको विरोधमा विद्यालय तथा क्याम्पसमा अध्यनरत विद्याथीहरूले राजधानीमा बृहत् मानव साङ्लो बनाई विरोध प्रदर्शन गरे ।
भारतले गरेको नाकाबन्दीले विद्यालय बन्द हुँदा लाखौँ विद्यार्थीको भविष्य अन्यौलमा परेको भन्दै त्यसको विरोधमा उनीहरू सडकमा हातेमालो गर्दै उभिए ।
विभिन्न शैक्षिक संस्थाको पहलमा मावन साङ्लो प्रर्दशन गरेको भए पनि प्रमुख प्रतिपक्ष नेपाली काङ्ग्रेस लगायत विभिन्न सङ्घ संस्थाका प्रतिनिधिले पनि यसमा सहभागिता जनाएका छन् ।
आज बिहान साँढे ११ बजेबाट सुरु भएको मानव साङ्लो प्रदर्शनमा हातमा प्लेकार्ड सहित उपस्थित भएका लाखौँ विद्यार्थी तथा सङ्घ संस्थाका प्रतिनिधिले भारतीय नाकाबन्दी विरुद्ध नाराबाजी गरे ।
शैक्षिक संस्थाहरू हिसान, प्याब्सन, एन प्याब्सन, शिक्षक महासङ्घ, संयुक्त विद्यार्थी सङ्घ, अभिभावक सङ्घ लगायतको पहलमा काठमाडौँ उपत्यकाको २७ किलो मिटर चक्रपथ र कुमारी पाटीदेखि माइती घर मण्डलासम्म मानव साङ्लो बन्यो ।
मानव साङ्लोमा सहभागी विद्यार्थीहरूले “ब्याक अफ इन्डिया”, “भारत–देश ठुलो चित्त सानो”, “असल छिमेकीको व्यवहार गर” जस्ता नारा लगाएका थिए ।
-
- चाबहिल क्षेत्रमा मानव साङलोमा सहभागी विद्यार्थीहरु
