काठमाण्डौ,१९ असोज ।
तिन दलीय बार्ता टोली र आन्दोलरत संयुक्त लोकतान्त्रिक मधेसी मोर्चाबीच आज पहिलो पटक भएको औपचारिक वार्ता निष्कर्ष बिहिन भएको छ ।
सिंहदरबास्थित राज्य ब्यबस्था समितीको हलमा बिहान करीब ३ घण्टा चलेको बार्तामा तीन दलले गठन गरेको ३ सदस्यिय समिति र मोर्चाको ४ सदस्यिय टोलीबीच सहमती नहुदा वार्ता निष्कर्षमा पुग्न नसकेको एक नेताले जानकारी दिए ।
मोर्चाको वार्ता टोलीका सदस्य सद्भावना सहअध्यक्ष लक्ष्मणलाल कर्णले आफूहरुले राखेको माग पुरा गर्ने प्रतिवद्धता नआएसम्म राजनीतिक एजेण्डामा प्रवेश गर्न नसकिने बताउनुभयो । माग पुरा नभएसम्म नाकामा अवरोध गर्ने कार्यक्रम पनि नरोकिने उहाको भनाई छ ।
वार्तामा तीन दलिय समितिका तर्फबाट कंग्रेसका महेश आचार्य, एमालेका अग्नी खरेल र एकिकृत माओबादीका नारायणकाजी श्रेष्ठ तथा मोर्चाका तर्फबाट सदभावनाका लक्ष्मणलाल कर्ण, तराइ मधेस लोकतान्त्रिक पार्टीका सर्वेन्द्रनाथ शुक्ल, समाजवादी फोरमका लालवावु राउत र तराइ मधेस सदभावना पार्टीका रामनरेश यादव सहभागी हुनुभएको थियो ।
भोली मार्चासंग पुनह बार्ता हुने टोली सदस्य तथा एमाओबादी उपाध्यक्ष नारायणकाजी श्रेष्ठले जानकारी दिनुभयो । तीन दलले संघिय आयोगमार्फत पछि मिलाउने गरी सिमाङकनको विवाद थाति राखेर अघि बढन प्रस्ताव गरेका छन । मोर्चाले भने आफ्नो मुख्य माग नै त्यहि भएको भन्दै तराइ मधेस क्षेत्रमा दुइवटा प्रदेश बनाउनुपर्ने बिषयलाइ वटमलाइन बनाएको छ ।
