बेलायतको मौसम विभागले गरेको अनुसन्धान अनुसार हरित गृह उत्सर्जनका कारण पृथ्वीमा आगामी दुई वर्ष निकै गर्मी बढ्ने छ ।
ग्रिन हाउसका कारण पर्यावरणमा परेको असरको संकेतको रुपमा यसलाई हेरिएको छ ।
प्रशान्त महासागरमा अल निनोको गतिविधि बढेका कारण गर्मी बढ्न सक्ने अनुसन्धानले देखाएको छ ।
वैज्ञानिकहरुले सन् २०१५ मा पृथ्वीको सतहको औसत तापमान नया रेकर्डमा पुगेको बताएका छन् ।
सन् १९६१ देखि सन् १९९१ को औसत तापमान ०.६८ डिग्री भन्दा धेरै रहेको छ ।
ब्रिटेनको मौसम विभागका हेलि सेन्टरका निर्देशक प्रोफेसर स्टीफन बेलचरले प्राकृतिक बदलावका कारण हरेक वर्ष तापमानमा असर पर्छ तर यस पटकको तापमानको असर ग्रीन हाउस ग्यासको असरको संकेतको रुपमा देखिएको बताएका छन् ।
युनिभर्सीटी अफ रिडिङका प्रोफेसर रोवेन सटनले यदी कुनै ठूलो ज्वालामुखी विष्फोट नभएमा सन् २०१४, २०१५ र २०१६ साल आज सम्मको ईतिहासमा सबै भन्दा बढी गर्मी वर्ष हुने बताएका छन् ।
