काठमाडौ ३० भदौ ।
सरकारसँग वार्ता गर्ने विषयमा छलफल गर्न थारु कल्याणकारिणी सभा र थरुहट/थारुवान् संयुक्त संघर्ष समितिको बैठक आज बस्दैछ ।
प्रधानमन्त्री सुशील कोइरालाले वार्ताका लागि आह्वान गर्दै हिजो अर्को पत्र पठाउनु भएपछि त्यस विषयमा आज छलफल गर्न लागेको थारु संघर्ष समिति संयोजक तथा फोरम लोकतान्त्रिक महासचिव रामजनम चौधरीले जानकारी दिनुभयो ।
अपरान्न दुई बजे सिंहदरबारमा बस्ने संघर्ष समिति सचिवालयको बैठकले प्रधानमन्त्रीले पठाएको पत्रको समिक्षाका साथै आफ्ना सात बुँदे मागप्रति सरकारको ठोस जवाफका विषयमा छलफल हुने चौधरीले बताउनु भयो ।
सरकारले आफूहरुको सात बुँदे मागको तत्काल कार्यन्वय गरे आन्दोलनका स्वरुप परिवर्तन गरी संविधान निर्माणमा आफूहरुले मुद्धाको विषयमा वार्ता सुरु गर्ने थारु नेताहरुले बताएका छन् ।
यसैबीच थारु बहुल्यता रहेको क्षेत्रलाईसंरक्षित क्षेत्रका रुपमा सम्बोधन गर्ने गरी मुख्य दलहरुले आन्तरिक तयारी थालेको बताइएको छ ।
