काठमाडौ ९ भदौ । प्रधानमन्त्री सुशील कोइरालाले असन्तुष्ट पक्षहरुलाई वार्तामा आउन आहृवान गर्नु भएको छ ।
संविधान सभाको जारी बैठकको सुरुमा बोल्नु हुदै उहाँले प्रदेश सिमांकनप्रति असन्तुष्टी जनाउदै आन्दोलनरत पक्षलाई वार्तामा आउन आग्रह गर्नु भएको हो ।
उहाले कुनै पनि पक्षको आन्दोलनका कारण संविधान निर्माण प्रक्रिया भने नरोकिने बताउनुभयो ।
संविधानको विधेयक परिर्माजन गर्ने समय रहेको भन्दै उहाले असन्तुष्ट दललाई वार्तामा आएर आफ्ना कुरा राख्न आग्रह गर्नुभयो ।
प्रधानमन्त्री कोइरालाले संविधान सम्झौताको दस्तावेज भएकाले सबैका कुरा जस्ताको त्यस्तै समेटिन नसकिएपनि बेला बेलामा परिमार्जन गरेर जान सकिने बताउनुभयो ।
सिमांकनमा असन्तुष्टी जनाउदै भएको प्रदर्शनका क्रममा केही स्थानमा नसोचेको दुखद घटना भएको भन्दै उहाले मुलुकमा अमनचयन कायम गराउन सबैमा अपिल समेत गर्नु भएको छ ।
वार्ता र छलफल मार्फत नै असन्तुष्टिलाई सम्बोधन गर्न सकिने भएकाले आफु आन्दोलनरत पक्षसँग छलफल गर्न तयार रहेको उहाँको भनाई थियो ।
