काठमाण्डौ,८ भदौ ।
नेपाली कांग्रेसका नेता शेरबहादुर देउवाले कैलालीका जनता र नेताहरुलाई संयमित भएर सदभाव कायम गर्न अपील गर्नुभएको छ ।
बुढानिलकण्ठस्थित आफ्नो निवासमा आज पत्रकार सम्मेल गरी उहाले वर्षौदेखि मिलेर बसेका पहाडी र थारु समूदायबिच सदभाव बिथोल्न सुनयोजित षडयन्त्र भइरहेकोप्रति सबैलाई सचेत रहन आग्रह गर्नुभयो ।
नेता देउवाले निर्दोष बालक सहित सुरक्षाकर्मीको हत्या भएको घट्नाको निन्दा गर्दै दोषीलाई कारवाहीको माग गर्नुभएको छ ।
टिकापुरको घटनापछि आफूविरुद्ध प्रचार गरिएकोमा त्यसको खण्डन गर्दै उहाले भन्नुभयो ’देउवाले १ इन्च पनि छोड्न चाहदैन भन्ने प्रचारवाजी गलत हो ।’ तर, जिल्ला टुक्रयाउने मान्यताको पक्षमा आफू नरहेको स्पष्ट पार्नुभयो । उहाले थारुलाई अधिकार दिने, राज्यको पहुँचमा ल्याउने, सेनामा भर्ति गर्ने विषयमा अझै आफू लडिरहेको दावी गर्नुभयो ।
