काठमाडौं , ८ भदौ।
भारतीय प्रधानमन्त्री नरेन्द्र मोदीले प्रधानमन्त्री शुसिल कोईरालालाई टेलिफोन गरी कैलालीमा सोमवार भएको घटनाप्रति दुस्ख व्यक्त गर्नुभएको छ ।
समकक्षी मोदीले हिंसात्मक गतिविधि निस्तेज पार्न र सामाजिक सद्भाव खल्बलिन नदिन नेपालका सबै राजनीतिक दलका शीर्षस्थ नेतृत्वमा आग्रह गर्नुभएको बताईएको छ ।
भारतीय प्रधानमन्त्री मोदीले राजनीतिक समस्याको समाधान राजनीतिक तहबाटै सम्बोधन गरिनुपर्नेमा जोड दिनुभएको प्रधानमन्त्री कोइरालाका प्रमुख प्रेस सल्लाहकार प्रतिक प्रधानले जानकारी दिनुभयो ।
सबै समस्याको समाधान वार्ता र सम्बादबाटै खोजिनुपर्ने भन्दै उहाँले त्यसका लागि सबै दलहरुबीचको बृहत छलफलमा सघाउन नागरिक समाजका अगुवालाई पनि आग्रह गर्नुभएको थियो ।
टेलिफोन सम्बादका क्रममा भारतीय प्रधानमन्त्री मोदीले नेपालमा दिगो शान्ति र लोकतान्त्रिक संविधान निर्माण प्रकृयामा सघाउन आफू तयार रहेको प्रतिबद्धता व्यक्त गर्नुभएको प्रधानले बताउनुभयो ।
प्रधानमन्त्री कोइरालाले पनि समस्याको समाधान राजनीतिक तवरबाटै खोज्नका लागि आफूले सम्बन्धित पक्षसँग छलफल थालिसकेको जानकारी गराउनु भएको थियो । उहाँले छिमेकी मुलुकबाट नेपालको सुरक्षाका लागि व्यक्त भएको चिन्ता र चासो एवं सहयोगको आश्वासन प्रति मोदीलाई धन्यवाद दिनुभएको थियो ।
