ईलाम ।
इलाम नगरपालिकामा निर्मित कम्पोस्ट प्लान्टबाट प्राङ्गारिक मल उत्पादन गर्न सुरु गरिएको छ । प्लान्टका १६ वटा च्याम्बरबाट मल उत्पादन सुरु गरिएको हो ।
नगरपालिकाले हप्ताको दुईपटक ५०० देखि ७०० किलो फोहर उपलब्ध गराउने गरी जागृति नेपाल नामक गैरसरकारी संस्थासँग सम्झौता गरेको थियो ।
उक्त संस्थाले नगरपालिकालाई वार्षिक २५ हजार भाडा तिर्ने गरेको छ ।
कम्पोस्ट प्लान्टसम्म पुग्ने सडकको अवस्था दयनीय रहेको छ । सडकको अवस्था नसुध्रिँदा नगरपालिकाले फोहरलाई सोझै ल्यान्डफिल्ड साइटमा फाल्दै आएको छ ।
च्याम्बरमा फोहर हालेको दुई÷तीन महिनामै मल उत्पादन हुने भए पनि नगरपालिकाले आवश्यक फोहर नदिदा च्याम्बर खाली हुने अवस्थामा पुगेको छ ।
उत्पादन भएको जैविक मल २५ देखि ३५ रुपैयाँ प्रतिकिलोसम्म बिक्री हुने गरेको छ ।
प्याकिङ गरेर बिक्री गर्ने तयारी गरेका छौ संस्थाका सदस्य गोपाल पौडेलले भन्नुभयो । नगरपालिकाले सम्झौता बमोजिमको सड्ने फोहर दिने हो भने धेरै मल उत्पादन हुने उहा“को भनाइ छ ।
विभिन्न सहकारी संस्था र किसानबाट मलको माग आएको छ पौडेलले भन्नुभयो । सिमेन’ आयोजनाको सहयोगमा २१ लाख ६२ हजारको लागतमा निर्मित सो कम्पोस्ट प्लान्ट निर्माण गरिएको हो ।
