भोजपुर ।
पछिल्लो समय भोजपुरका किसानहरु नयँ“ खेती तर्फ आकर्षित हु“दै गएको पाईएको छ ।
पहिले धान, मकै, कोदो जस्ता बाली मात्र लगाउने किसानहरु आज भोली किवी, सतुवा, चिराईतो, जैतुन लगायतका नया खाले खेति गर्न थालेका हुन् ।
आम्तेक गाविसकी चन्द्रकला राईले ५ रोपनी बारीमा किवी लगाएकी छिन् । दोलखाको चरिकोट पुगेर उहा“ले ६ सय रुपैँया प्रतिगोटाको दरले विरुवा किनेर लगाएको किवीले यो वर्षबाट उत्पादन दिन थालेको छ ।
उहा“ले नया खेतिको रुपमा ३ वर्ष अगाडि किवी फललाई व्यवसायिक खेतिको रुपमा भित्राएकी हुन् । अहिले किवीको बजार मुल्य ग्रेडिङ्गको आधारमा ३ सय देखि ६ सय रुपैँयासम्म रहेको किवी व्यवसायी राईले बताईन ।
राई मात्र नभएर खावा गाविसका बमबहादुर विष्ट र नागीका नवराज राईले व्यवसायिक रुपमै किवी लगाएका छन् ।
गएको वर्ष उनीहरुले संयुक्त रुपमा किवी लगाएका हुन् । उनीहरुले झण्डै ४० रोपनी जग्गामा किवी लगाएका छन् । किवीको बजार राम्रो देखेकोले हामीले पहिले गर्दै आएको खेति हटाएर किवी खेति थालेका हौ बमबहादुर विष्टले भन्नुभयो ।
त्यसैगरी साङ्गपाङ्ग गाविस ६ का प्रेमदोर्ची शेर्पाले परम्परागत आलु खेति हटाएर आफनो सबै जग्गामा चिराईतो र सतुवा लगाएका छन । उहा“को सतुवा खेति पनि जिल्लाकै नया“ खेति हो ।
माटोको अम्लियपना बृद्धिसंगै धान, मकै, कोदो लगायतका कृषि बालीमा परिश्रम अनुसारको उत्पादन हुन छाडेपछि कृषकहरु नया“ नया“ बाली परिवर्तन गर्न थालेका छन ।
नया बाली लगाउ“दा खेति गर्न उत्साह समेत हुने गरेको र परम्परागत खेतिले भन्दा बढि आम्दानी दिने गरेको कृषकहरु बताउ“दै आएका छन ।
जिल्ला कृषि विकास कार्यालयले पनि केही वर्ष यता नया“ नया खेतिमा कृषकको चासो हुने गरेको भोजपुरका वरिष्ठ कृषि विकास अधिकृत सरोजकान्त अधिकारीले बताउनुभयो ।
