काठमाडौ ७ भदौ ।
चिकित्सा शिक्षा क्षेत्रमा भइरहेको विकृति तथा उपकुलपति नियुक्तिका सम्बन्धमा हुने गरेको भागभण्डाका विरुद्धमा शिक्षण अस्पताल महाराजगन्जका वरिष्ठ हाडजोर्नी डा. गोविन्द केसी आजबाट छैटौ पटक आमरण अनशनमा बस्नु हुनेभएको छ ।
चिकित्सा शिक्षा क्षेत्रमा भइरहेको विकृति, डा. केदारभक्त माथेमा नेतृत्व कार्यदलको प्रतिवेदन कार्यन्वयन तथा त्रिवि लगायत विश्वविद्यालयमा उपकुलपति सिफारिसमा हुने राजनितिक भागभण्डाको विरोधमा डा. केसी आज अपरान्न ४ बजेबाट अनशनमा बस्न लाग्नु भएको हो ।
डा केसीले अघिल्लो अनशनका क्रममा सरकारसँग भएको सम्झौता कार्यन्वयनको माग समेत गर्नु भएको छ । गत साउ ८ मा अल्टिमेटम दिएयता मात्रै तीनपटकसम्म मिति सारेर समय दिदा पनि आफ्नो माग पूरा गर्न सरकार गम्भिर नभएको डा. केसीको आरोप छ ।
डा. केसीले अघिल्लो अनशनका क्रममा भएको सम्झौता अनुसार गठित हरिबाबु भट्टाराई संयोजकत्वको छानबिन समिति सक्रिय गराउनुपर्ने र काठमाडौ विश्वविद्यालयले अवैध रुपमा दिएको सम्बन्धन खारेजको सम्झौता कार्यन्वयन गर्न पनि माग गर्नुभएको छ ।
