६ भाद्र ताप्लेजुङ ।
नेपाल आदिवासी जनजाती महासंघले नामाङ्कन बिनाको प्रदेश, पहिचानलाई सम्बोधन नगरेको,सिमाङ्ककन र राज्य पुर्नसंरचनाको विरोधमा आव्हान गरेको बन्दको प्रभाव ताप्लेजुङको फुङलिङ बजार बन्दकर्ताबिना बिहानदेखि ठप्प छ ।
बजारका सरकारी कार्यालय फाटफुट खुलेपनि बन्दका कारण सेवाग्राहीको उपस्थिति खासै छैन । तर शिक्षण संस्था, यातायातका साधन र पसलहरु पूर्ण रुपमा ठप्प छन् । नेपाल आदिवासी जनजाती महासंघ जिल्ला समन्वय परिषदले १ दिनअगाबै बन्दको जानकारी र बन्दमा सहयोग गरिदिन आग्रह गरेको र जिल्लामा आदिवासी जनजातीको बाहुल्यता रहेको हुनाले बन्द स्वस्फुर्त रुपमा ठप्प भएको हो ।
बन्दको आव्हान गरेको नेपालआदिवासीजनजातीमहासंघका बनदकर्ता बजारको कुनै पनि स्थानमा देखिएका छैनन् तर बजार पूर्ण रुपमाबन्द छ । बन्दभोली पनि जारी रहने बताईएको छ ।
लाखेजात्रालाई बन्दले प्रभावपारेन
ताप्लेजुङ सदरमुकाम फुङलिङ बजारमा शुरु लाखेजात्रा र कञ्चनजंघा च्यालेन्ज रनिङ कपलाई भने आदिवासी जनजाती महासंघको बन्दले खासै प्रभाव पारेको छैन ।
सदरमुकाम फुङलिङ बजारम सधाझैँ लाखेर्पूिर्णमाको अवसर पारेर लाखेजात्रा र कञ्चनजंघा च्यालेन्जरनिङ कप संचालनगरिन्छ ।
सोही अनुरुप यसपालपनि लाखेजात्राको अवसरमा अन्र्तराष्ट्रिय कञ्चनजंघा च्यालेन्जरनिङ कप आजबाट शुरु भएको हो । अन्र्तराष्ट्रिय कञ्चनजंघा च्यालेन्ज रनिङ कपको समापनभाद्र १२ गते हुनेछ ।
