काठमाडौ ६ भदौ ।
७ प्रदेशमा भएको सहमती पछि पनि असन्टुष्ट बनेका दललाई सहमतीमा आउन प्रमुख दलले आग्रह गरेका छन ।
प्रधानमन्त्री निवास बालुबाटारमा बिहान बसेको प्रमुख दलका शिर्ष नेताहरुको बैठकले बार्ताको आहावान गर्ने जिम्मा प्रधानमन्त्री शुशिल कोइरालालाई दिएको छ । बैठकमा पछिल्लो पटक ७ प्रदेशमा असहमती जनाउनु भएका बिजय कुमार गच्छदार पनि सहभागी हुनुभएको थियो ।
बैठकमा गच्छदारले सहमतीबाटै संबिधान जारी होस भन्ने पक्षमा आफु रहेको भन्दै असन्टुष्ट पक्षका माग सम्बोधन हुनु पर्नेमा जोड दिनुभएको स्रोतले बताएको छ ।बैठकमा उहाले ७ प्रदेशको सहमती आफुलाई कुनै हालतमा मान्य नहुने अडान लिनु भएको थियो ।
बैठकले बार्ताको जिम्मा प्रधानमन्त्री दिएपछि उहाको सचिबालयमा यसमा जुटेको छ । आहावान बक्तब्य तयार भएपनि यसलाई कसरी सार्बजनिक गर्नेबारेमा छलफल भइरहेको प्रधानमन्त्रीका प्रेस सल्लाहार प्रतिक प्रधान मल्ले जानकारी दिनुभयो ।
