काठमाण्डौ, ५ भदौ ।
उपप्रधानमन्त्री एवम् संघीय मामिला तथा स्थानीय विकासमन्त्री प्रकाशमान सिंह फिजीको ६ दिने भ्रमण सकेर आज स्वदेश फर्किनु भएको छ ।
एसिया प्रसान्त क्षेत्र एकीकृत ग्रामीण विकासको सम्मेलनमा सहभागी भई शनिबार अपरान्ह स्वदेश फर्केपछि त्रिभुवन अन्तराष्ट्रिय विमानस्थलमा सञ्चारकर्मीसँग कुरा गर्दै उपप्रधानमन्त्री सिंहले एक देशमा लागु गरिएको कार्यक्रम अर्को देशमा कसरी लागु गर्न सकिन्छ भन्ने बारेमा छलफल भएको जानकारी दिनुभयो ।
उहाले सम्मेलनमा स्थानिय विकासको क्रममा एकीकृत विकास गर्नका लागि नेपालले अपनाएको नीतिको बारेमा जानकारी गराएको समेत बताउनुभउको छ ।
संविधान निर्माणका क्रममा सात प्रदेशको सहमति भएको सन्दर्भमा सिंहले संवाद र सहमतिको माध्यमबाट सबै दल मिलेर जनताको मागलाई सम्बोधन गर्नुपर्नेमा जोड दिनुभयो ।
नेपाली काँग्रेसका महामन्त्री समेत रहनुभएका सिंहले काँग्रेसको महाधिवेशनको बारेमा केन्द्रीय समिति बसेर निर्णय लिने बताउनुभयो ।
