काठमाण्डौ ,५ भदौ ।
उपप्रधानमन्त्री एवम् संघीय मामिला तथा स्थानीय विकासमन्त्री प्रकाशमान सिंहले एक देशमा लागु गरिएको कार्यक्रम अर्को देशमा कसरी लागु गर्न सकिन्छ भन्ने बारेमा छलफल भएको जानकारी दिनुभयो ।
फिजीको ६ दिने भ्रमण सकेर आज स्वदेश फर्किने क्रममा त्रिभुवन अन्तराष्ट्रिय विमानस्थलमा सञ्चारकर्मीसँग कुरा गर्दै उपप्रधानमन्त्री सिंहले सम्मेलनमा स्थानिय विकासको क्रममा एकीकृत विकास गर्नका लागि नेपालले अपनाएको नीतिको बारेमा जानकारी गराएको बताउनु भयो ।
एसिया प्रसान्त क्षेत्र एकीकृत ग्रामीण विकासको सम्मेलनमा सहभागी भई आज अपरान्ह स्वदेश फकिनु भएको हो ।
सम्मेलनमा विभिन्न देशले आ—आफ्नो देशको स्थानिय क्षेत्रको बारेमा जानकारी गराएको उपप्रधानमन्त्री सिंहले बताउनु भयो ।
संविधान निर्माणका क्रममा सात प्रदेशको सहमति भएको सन्दर्भमा सिंहले संवाद र सहमतिको माध्यमबाट देशलाई निकास दिने बताउनु भयो ।
विशेष समितिमा सबै दल मिलेर जनताको मागलाई सम्बोधन गर्नुपर्नेमा जोड दिनुभयो ।
नेपाली काँग्रेसका महामन्त्रीसमेत रहेका सिंहले काँग्रेसको महाधिवेशनको बारेमा केन्द्रीय समिति बसेर निर्णय लिने बताउनु भयो ।
उहाले संविधान निर्माण नहुने स्थिती पैदा भए पार्टीको महाधिवेशनबारे समितिमा पार्टीमा छलफल गरेर अगाडी बढ्ने उल्लेख गर्नुभयो ।
