काठमाण्डौ,४ भदौ ।
मधेशी जनअधिकार फोरम लोकतान्त्रिकले विशेष समितिको बैठक बहिष्कार गरेको छ ।
प्रस्तावित सीमांकनमा कैलाली कन्चनपुर र झापा, मोरङ, सुनसरीलाई पहाडसँग मिसाउन नहुने अडान राख्दै आएकोे सो पाटीले प्रस्तावित सात प्रदेशको नयाँ सीमांकनमा समेत आफ्नो माग सम्बोधन नभएको भन्दै विशेष समिति बैठक बहिष्कार गरेको हो ।
विशेष समितिको बैठकमा प्रमुख तीन दल कांग्रेस,एमाले र एकिकृत माओबादी संवाद समितिमा दर्ता गराएको ७ प्रदेशको प्रस्तावमा सहमति नजिक पुगे पनि असन्तुष्टि जनाउदै लोकतान्त्रिकका अध्यक्ष बिजय कुमार गच्छदार बैठक बहिस्कार गरेको घोषणा गर्दै बाहिरीनु भएको हो ।
रेडियो मिरमिर्रसंग कुरा गर्दै सो पाटीका महासचिव रामजनम चौधरीले शीर्ष नेताहरुलाई अध्यक्ष गच्छदारले आजदेखि चारदलीय गठबन्धनमा नरहेको जानकारी दिंदै बाहिरिनु भएको बताउनु भयो । महासचिब चौधरीले ४ बजे सिंहदरबारस्थित संसदीय दल कार्यालयमा पत्रकार सम्मेलन गरी ४ दलिय गठबन्धनबाट अलग्गिएको घोषणा गर्ने जानकारी दिनुभयो ।
