काठमाण्डौ,४ भदौ ।
एसियाली विकास बैंक एडिबीले सरकारलाई २० करोड डलर सहायता ऋण प्रदान गर्ने भएको छ । बैशाख १२ गतेको बिनासकारी भूूकम्पपछि नेपालको पुननिर्माणका लागि एडिबीले २० करोड डलर सहायता ऋण प्रदान गर्ने भएको हो ।
एक कार्यक्रमकाबिच अर्थमन्त्रालयमा आज नेपालका तर्फबाट अर्थ मन्त्रालय अन्तर्गत अन्तराष्ट्रिय सहयोग समन्वय महाशाखा मधु मरासिनी र एडिबीका नेपाल प्रमुख केनिची योकोयामाले सम्झौतापत्रमा हस्ताक्षर गर्नुभएको छ । एडिबीले पुननिर्माण प्राधिकरणमार्फत सो रकम खर्च गर्ने गरी आकस्मीक सहयोग परियोजनाका लागि रकम प्रदान गरेको हो ।
अर्थमन्त्रालयका अनुसार सो परियोजना अन्तर्गत सार्वजनिक तथा सामाजीक संरचना पुनस्निर्माणका लागि ४ चरणमा काम गरिनेछ । पहिलो चरणमा भूकम्प प्रभावित विद्यालय पुननिर्माण र आधारभूत सुविधासहित कम्तिमा ७ सय विद्यालय भवन निर्माण हुने ,दोश्रो चरणमा भूकम्पले क्षति र्पुयाएका ग्रामिण भेगको सडकको निर्माण तथा मर्मतसम्भार गरिनेछ ।
तेश्रो चरणमा भूकम्पले प्रभावित भएका जिल्ला स्तरीय सरकारी कार्यालयका भवन निर्माण गरिने र अन्तिम चरणमा विपद व्यवस्थापन र यसको पूर्वतयारीसम्बन्धी क्षमता अभिवृद्धि गरिने अर्थमन्त्रालयले जनाएको छ ।
