काठमाडौ १ भदौ ।
स्वायत्त कर्णाली प्रदेशको माग गर्दै जुम्लामा भएको प्रदर्शन हिंसात्मक बनेपछि लगाएको अनिश्चितकालिन कर्फ्यू आदेश आज तेस्रो दिनपनि जारी छ ।
विशेष अधिकार सहितको स्वायत्त कर्णाली प्रदेशको माग गर्दै जुम्लामा दश दिन यता आन्दोलन जारी छ ।
प्रमुख जिल्ला अधिकारी दिपेन्द्रराज पौडेलका अनुसार आन्दोलनका कारण दिनभर जुम्ला अशान्त हुने संकेत पाएपछि कर्फ्यूलाई निरन्तरता दिइएको हो ।
बिहानै देखि प्रहरीको गोली लागेर घाईत भएकाका आफन्त र स्थानिय प्रहरी सामु लडेर देखाउने चुनौतिका साथ सडकमा उत्रिए पछि प्रशासन कार्यालयले पुनः कर्फ्यू आदेश जारी गरेको हो ।
यस्तै सार्वजनिक स्थानमा भिड नगर्न र सबैलाई घरभित्र बस्न प्रहरीले माईकिङ गरिरहेका छन् ।
प्रदेशको सिमांकनमा असन्तुष्टी जनाउदै सुरु भएको आन्दोलन हिंसात्मक बन्दै गएपछि गत आइतबार साँझ ५ बजेदेखि स्थानीय प्रशासनले अनिश्चितकालिन कर्फ्यू आदेश जारी गरेको हो ।
