काठमाडौ १ भदौ ।
अखण्ड सुदुरपश्चिम पक्षधर र थारु कल्याणकारी सभाले गरेको दोहोरो बन्दका कारण सुदूर पश्चिमको जनजीवन प्रभावित बनेको छ । १३ दिनदेखि जारी बन्दका कारण त्यस क्षेत्रको जनजीवन कष्टकर बनेको छ ।
बन्दका कारण सुदूरपश्चिमका ९ जिल्लामा यातायात र शैक्षिक संस्था ठप्प रहेका छन् । पसल भने आंशिकरुपमा सञ्चालनमा छन् । भारतबाट आउने यात्रु, दैनिक मजदुरी गरी जिविका चलाउने मजदुर र सर्वसाधारण बढी मारमा परेका छन् ।
कैलाली–कञ्चनपुरलाई थारुवान राज्य बनाउनुपर्ने माग गर्दै थारु कल्याणकारी सभाले बन्दको आह्वान गरेको हो भने सुदुरपश्चिमका सात पहाडी जिल्ला अखण्ड राखिनुपर्ने माग गर्दै अखण्ड सुदुरपश्चिम पक्षधरले बन्दको आह्वान गरेका हुन् ।
लगातारको बन्दका कारण कैलाली–कञ्चनपुरसहित पहाडी जिल्लाहरुमा इन्धन, खाद्यान्न र ग्यांसको अभाव हुन थालेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
