काठमाण्डौ,३२ साउन ।
गृहमन्त्री बामदेब गौतमले देशको शान्ति सुरक्षा र बिभिन्न स्थानमा भइरहेको आन्दोललबारे संसदलाई जानकारी गराउनु भएको छ । संसदको बैठकलाई सम्बोधन गर्दै गृहमन्त्री गौतमले केही सभासदले देश बिखण्डन गर्ने र जातीय दंगा भड्काउने अभिव्यक्ति दिएकोमा सरकारको गम्भीर ध्यानाकर्षण भएको बताउनु भयो ।
उहाले देशको स्वतन्त्रता, राष्ट्रिय अखण्डता र सार्वभौमसत्ता जोगाउन सरकार सचेत रहेको बताउनु भयो । गौतमले सभासद उपेन्द्र यादव र अमरेशकुमार सिंहसहितका नेताहरुले कैलालीको टीकापुरमा गरेको विवादास्पद भाषणको अडियो संसदलाई बुझाउनु भएको छ ।
गौतमले बुझाएको अडियो अध्ययन र छानविनका लागि सम्बन्धित समितिमा पेश गर्न सभामुख नेम्वाङले सचिवालयलाई निर्देशन दिनु भयो । केही दिनअघिमात्र उपेन्द्र यादव, राजेन्द्र महतो र अमरेश कुमार सिंहले कैलालीको टिकापुरमा पुगेर उत्तेजक अभिव्यक्ति दिएपछि त्यसको चर्को बिरोध हुदै आएको थियो ।
