काठमाडौ ३२ साउन ।
जुम्लामा जारी आन्दोलन हिंसात्मक बन्न थालेपछि स्थानीय प्रशसनले हिजो साँझ ५ बजेदेखि लगाइएको कर्फ्यु आज पनि जारी छ ।
स्थानिय प्रशासन ऐन २०२८ को ६ क अनुसार जुम्ला एअरपोर्टदेखि पश्चिम, ट्राफिक कार्यालयदेखि पुर्व, छिना साँगुदेखि उत्तर र जुम्ला बहुमुखि क्याम्पस देखिको दक्षिणी क्षेत्रको भागमा कर्फ्यु आदेश जारी गरेको बताइएको छ ।
यसैबीच स्थानिय जनतालाई दैनिक उपभोग्य सामान खरीद बिक्रिका लागि आज बिहान १ घण्टाका लागि कर्फ्यु खुला गरिएको थियो । बिहान एक घण्टा लागि खुलाइएको कफ्र्यु ८ बजेपछि पुनः लगाएको छ ।
अर्को आदेश जारी नभए सम्मका लागि कर्फ्यु जारी रहने प्रमुख जिल्ला अधिकारी दिपेन्द्रराज पौडेलले जानकारी दिनुभयो । कफ्र्यु लगाइएको क्षेत्र भित्र कोही कसैलाई आवात जावत नर्गन पनि उहाँले अनुरोध गर्नुभएको छ ।
स्वायत्त कर्णाली प्रदेशको माग गर्दै आन्दोलनमा उत्रिएका प्रदर्शनकारी माथि प्रहरीले चलाएको गोली लागेर घाइते भएका ६ जनाको अवस्था भने गम्भीर रहेको बताइएको छ ।
