काठमाडौं, ३१ साउन ।
नेकपा–माओवादी , आदिवासी जनजाति र मधेस केन्द्रित दलले आह्वान गरेको बन्दका कारण काठमाडौ उपत्यका सहित देशैभरको जनजीवन प्रभावित भएको छ । बन्दकर्ताले देशका बिभिन्न ठाउमा दर्जनौ सवारी साधनमा तोडफोड गरेका छन । बन्दको अबज्ञा गरेको भन्दै बन्दकर्ताले ललितपुरको ग्वार्कोमा ४ , महालक्ष्मी चोकमा २ , गाबाहालमा १ ,बबलमहलमा १ गाडीमा तोडफोड गरेका छन ।
पत्रकार ऋषि धमालाको कारमा पनि प्रर्दशनकारीले भृकृटिमण्डपमा तोडफोड गरेका छन । बन्द गराउदै हिडेका माओबादीका सयौ कार्यकर्तालाई प्रहरीले पक्राउ गरेको छ । दलित मोर्चाका बुद्धि नेपाली सहित ४० जनालाई प्रहरीले कंलकीबाट नियन्त्रणमा लिएको छ ।
रत्नपार्कबाट केन्द्रीय सदस्य सुरेश श्रेष्ठ, संघीय समाजवादी फोरमका महासचिव राजेन्द्र श्रेष्ठ सहित २० जनालाई प्रहरीले पक्राउ गरेको माओवादी प्रबक्ता पम्पा भुसालले जानकारी दिनुभयो । यसैगरी ललितपुरको कुपोन्डोलबाट जिल्ला इन्चार्ज राजकाजी महर्जन सहित १५ जना पक्राउ परेका छन ।
यस्तै पार्वती थापा तथा माओवादी केन्द्रीय सदस्य बद्री बजगाईं एयरपोर्टबाट पक्राउ परेका छन । प्रतिगामी संविधान ल्याउन खोजेको भन्दै नेकपा –माओवादी , संघिय समाजवादी फोरम नेपाल ,सामाजिक लोकतान्त्रिक फोरम ,संघिय लिम्बुवान पार्टी , संघिय जनतान्त्रिीक मंच र विजय गच्छादार बाहेकका मधेश सम्बद्ध दलले संविधानको मस्यौदा खारेज गर्नुपर्ने माग सहित आज बन्द गरेका हुन ।
