काठमाडौ ३० साउन ।
प्रधानमन्त्री सुशिल कोइरालाले सन् १९४७ मा भारतमा भएको स्वतन्त्रता सङ्ग्राम २० औं शताब्दीको महत्वपूर्ण घटना भएको बताउनु भएको छ ।
भारतको ६९ औं स्वतन्त्रता दिवसका अवसरमा पठाउनु भएको शुभाकामना सन्न्देशमा उहाले सो कुरा उल्लेख गर्नुभएको हो ।
भारतीय समकक्षी नरेन्द्र मोदीलाई पठाउनु भएके सन्देशमा उहाले भारतीय जनताको शान्ति, प्रगति र समृद्धिको कामना पनि गर्नु हुदै उक्त सङ्ग्रामले भारतमा मात्र नभएर अफ्रिकी मुलुकमा संघर्षको चेतना जागृत गरेको उल्लेख गर्नुभएको छ ।
भारतको स्वतन्त्रता सङ्ग्राममा बिपी कोइरालाको संलगनताले स्वतन्त्रता र आत्मसम्मानका लागि नेपालको प्रतिवद्धता प्रतिविम्बित भएको उल्लेख गर्नु हुदै उहाले सन्देशमा विपीले तयार पारेको आधारशीलामा खडा भएको नेपाल भारत सम्बन्ध आजपर्यन्त सुदृढ रहेको बताउनुभयो । भारतले हरेक अगस्ट १५ तरिखमा स्वतन्त्रता दिवस मनाउने गरिन्छ ।
