काठमाण्डौ,२८ साउन ।
प्रधानमन्त्री सुशील कोइरालाले आन्दोलनरत सबै पक्षलाई आन्दोलन फिर्ता लिन आग्रह गर्नुभएको छ । व्यवस्थापिका संसदको बैठकलाई सम्बोधन गर्दै प्रधानमन्त्री कोइरालाले वार्ता र सम्वादबाटै समाधान खोज्न सकिने भन्दै आन्दोलनका कार्यक्रम फिर्ता लिन आग्रह गर्नुभयो ।
उहाले सबैका अधिकार संविधानमा उल्लेख हुने भन्दै बिश्वासमा रहन अनुरोध गर्नुभयो । प्रधानमन्त्री कोइरालाले प्रदेश सीमांकनको विषयलाई लिएर बिभिन्न जिल्लामा भइरहेको आन्दोलन र त्यहाँका जनताले राखेको मागप्रति प्रमुख दलका शीर्ष नेताहरु अत्यन्त गम्भीर रहेको बताउनु भएको छ ।
संविधान जारी गर्ने प्रक्रिया नरोकिँदै बताउदै उहाले अहिले भइरहेका केही घटना संविधानविरोधी भएकाले प्रहरी प्रशासन चुप लागेर नबस्ने चेतावनी दिनुभयो । सुर्खेत लगायताका जिल्लामा भएको आन्दोलनमा दुःखद घटना भएको बताउनु भयो ।
