काठमाण्डौ,२८ साउन ।
मस्यौदा समितिले आजदेखी संविधानको अन्तिम मस्यौदा तयार पार्ने काम शुरु गरेको छ ।
बिहान बसेको मस्यौदा समितिको वैठकले संविधानसभाले पठाएको प्रतिवेदन समिति सदस्यहरुलाई अध्ययनका लागि वितरण गरेको छ । सभासहरुले मस्यौदा अध्ययन गरेपछि आजै दिउसो २ बजे पुन बैठक बस्ने समितीका एक सदस्यले जानकारी दिएका छन ।
समितीले जनताको सुझाव समेटेर विद्येयक तयार पारेपछि सभासद्लाई वितरण गर्ने, विद्येयकमाथी सामान्य छलफल गर्ने, त्यसमाथी सभासदहरुलाई संशोधन हाल्न समय दिने र विद्येयकमाथी दफावार छलफल गरि पारित गरिनेछ ।
संविधानसभाले जनताको सुझावसहितको प्रारम्भीक मस्यौदालाई विद्येयक निर्माणका लागी हिजो मस्यौदा समितिमा पठाएको थियो । संविधानसभाले संवाद समितिको प्रतिवेदनका आधारमा संविधानको प्रारम्भिक मस्यौदा परिमार्जन गरी बढीमा ५ दिनभित्र संविधान विद्येयक तयार गर्न मस्यौदा समितिलाई निर्देशन दिएको छ ।
